Smokey Ice (已搬遷) 新店位置

推薦食品：吉列豬扒雪糕推薦程度：想食特別雪糕嘅一定要去試下！專程走到元朗嘅山旯旮幫襯呢間，唔係元朗山旯旮，係元朗入面嘅山旯旮！但都抵嘅，抵排隊、抵未必食得到（每日限量）。講番雪糕，吉列皮係做到應有嘅脆加韌，而且佢上碟到食嘅時候真係一個冰火交融。皮熱內冷，重點係佢啲雪糕冇喺炸嘅時候溶解，所以第一件係紮實嘅，第二件係外脆內軟。（同行一人兩件）配件方面，Cream、士多啤梨醬則可以隨量，並無特別之處，雜果偏酸。再嚟食左個窩夫，呢個亦只係有普通水平，較期望低，同埋得香氣撲鼻而已。相對唔值得試，性價比偏低。