越棧越式湯粉專門店 (置富第一城) (已結業)

天氣熱，懶得行咁遠，最近嘅就係越棧，最喜歡佢嘅香茅豬扒撈檬，但是今天我想食飯，又未試過佢啲既香茅雞亦紅米飯，價錢唔平架，又未到下午茶時間，跟餐要左杯凍檸茶，跟住就等左一陣，回家開餐，打開個盒，係就係幾香嘅，裏面有豬扒，有雞翼，有札肉，仲有兩塊蝦片，上面仲有一啲粉絲，塊蝦片唔脆嘅，啲豬肉好乾，雞亦都係，豬扒同雞翼都炸得老左，但味道係可以接受，札肉正常，成個飯都冇醬汁, 其實都好dry下, 三色飯係健康之選，但係比較乾，水份冇乜，好在有杯凍檸茶濕下個口，甜左一啲，茶味OK，下一次都係食番香茅豬扒撈檬