Doodie Cafe Bar (已結業)

呢晚同朋友嚟到荃灣嘅Doodie Cafe Bar，兩個人分別叫咗：番茄salsa醬熱狗（$48），個醬整得有啲怪，有少少泰菜feel，但又唔係話難食，只係唔算討好。小食拼盤（$58），即係德國香草豬肉腸、芝士豬肉腸拼啤酒薯條。啲腸係切開一片片上，食起上嚟都幾方便。薯條係用啤酒炸漿炸，外皮脆口，入面就保留咗薯仔本身嗰種質感。炸魷魚圈（$88），額外有個他他醬跟埋一齊食，都OK。我哋兩個另外叫咗支啤酒（$60）同Mojito（$70），Mojito啲薄荷同青檸嘅味道唔係好出，一般般。