小草十八怪石鍋米線 (已結業)

香港唔係太多地方有石鍋米線食，以前係雲南食過一次，覺得幾特別，餸菜用細碟一碟碟咁盛載，可以自己加入燒熱左嘅石鍋到整熟，由湯底到配料都自選，自己有份DIY都幾有滿足😙🫶🏻呢到嘅石鍋米線最少叫3餸，亦有6餸同9餸，湯底亦有7款選擇，唔想食米線仲可以轉薯粉、白飯、公仔麵添！叫左9餸（雞肉、牛柏葉、蝦、花膠、牛肚、豬軟骨、豬紅、帶子、麻辣炸醬）店員教先將蔬菜放底，再落生肉，加入湯，再蓋上2分鐘，最後放埋熟嘅配料就食得！佢地嘅湯底都幾特別，例如肉骨茶、火腿瑤柱肉骨湯、極品蟹黃湯、酸菜魚湯！酸菜魚湯又酸又辣，相當惹味！😛米線都好彈牙，餸菜嘅選擇好多，整體黎講，質素都幾高👍🏻唔怪得全場滿座！除左米線，呢到仲有荷葉飯、烤魚、串燒等食物，雞肉串同雞翼串都醃得好入味，幾惹味！椒麻炸雞就炸到黃金酥脆，醬汁有少少麻香同辣味，幾好食😝