LITE (裝修中)

今日係中秋節，晚餐一定好邪惡，所以午餐決定食健康啲，中環LITE既沙律可以自由配搭，餐廳係餐牌上列上所有配料既卡路里指數，方便on diet既我計卡路里👍🏻餐廳空間感十足，混凝土牆身同大理石地板令餐廳充滿一種粗獷嘅感覺。- 自選沙律我同朋友一樣揀左沙律，朋友沙律係羽衣甘藍配上紫洋蔥、白煮蛋、煙三文魚同埋藍莓。呢個組合有水果有菜有肉，充滿蛋白質。醬汁就揀左vegan caesar dressing，味道濃郁帶點鹹香味。令salad既味道更有層次。至於我揀左baby spinch，加上西蘭花、蘑菇、雞胸同牛油果。西蘭好大粒，雞胸好嫩滑，醬汁揀左Balsamic Vinaigrette，味道無平時既意大利醋咁酸。- Banana Smoothie 材料主要有香蕉、燕麥奶同麥蘆卡蜂蜜。Smoothie攪拌得好均勺，飲落無乜沉澱物，口感順滑。- Lite Green Juice 綠色令人諗起五青汁，不過味道完全唔似，竟然有少少甜。- Greek Yogurt with Granola 平時早餐都食開greek yogurt。滑順既乳酪、配上水果同香脆既榖麥片，再加上麥蘆卡蜂蜜，令人心滿意足。