道頓堀御好燒專門店 (新城市廣場) (已結業)

同另一半慶祝紀念日，諗起之前去朗豪坊成日見到道頓堀御好燒門口好多人等位，就想試下。上網睇到原來新城市都有分店，我地估應該無朗豪坊咁多人，就決定去依間啦！ 當日因爲未夠7點，唔洗等位就入得，但有限時90分鐘。我地揀左個二人餐，有沙律，燒牛肋肉，帶子，一個御好燒，一個廣島燒，兩個雪糕，兩杯飲品，兩個人食其實都幾飽。御好燒幾易整，佢俾一碗蛋漿你，入面已經有晒所有材料，搞勻倒落去鐵板度就ok。反而廣島燒有難度，要整得靚同熟就考你功夫啦。總括黎講係好玩嘅，至於想好食就建議去返大阪食啦