影片
更多
2022-03-09
984 瀏覽
講完下午茶☕️，跟住講下staycation package裡面包既3-course dinner, 前菜係定左係海鮮拼盤，而主菜就可以4揀1，今次總共有4個人所以就可以試到3款，而甜品就2選1，當然要試曬🤩 整體幾高質，味道唔錯，同埋喺賣相上面落過心思，比較賞心悅目，因為同行有fd生日，所以喺tart上面有一塊白色朱古力牌⚪️🍫寫住HBD🥳同埋有蠟燭🕯️～ 而餐廳🍴既燈光比較暗，咁啱小編後面有好大既粉紅色花束💐做裝飾幾靚，氣氛唔錯～ 要慶祝🎉或者chill啲咁食餐飯，呢到都係一個好選擇😎(5 😍 係滿分，🤩係半分)前菜: Seafood Tower 🦐🦪🐚 (好味指數：😍😍😍😍🤩)上枱既時候staff會放啲nitrogen，煙霧彌漫咁好有仙氣～ 旁邊有啲冰塊🧊保持海鮮夠凍同新鮮～呢一大盤係兩個人既量，份量好多真係幾滿足～ 分別有蝦🦐、青口、生蠔🦪、翡翠螺🐚同埋鮑魚蝦🦐有幾多隻，爽口彈牙，如果可以鮮甜啲就更加好，另外配左個紅色酸酸甜甜既醬，感覺幾清爽，不過就咁食原味都唔錯～青口都有雌雄之分，雄性既生殖腺為乳白色，雌性既就係黃色，所以性別之分就係睇肉既顏色分辨，今次既就兩款都有～ 翡翠青口既海
(5 😍 係滿分，🤩係半分)
前菜: Seafood Tower 🦐🦪🐚 (好味指數：😍😍😍😍🤩)
上枱既時候staff會放啲nitrogen，煙霧彌漫咁好有仙氣～ 旁邊有啲冰塊🧊保持海鮮夠凍同新鮮～
呢一大盤係兩個人既量，份量好多真係幾滿足～ 分別有蝦🦐、青口、生蠔🦪、翡翠螺🐚同埋鮑魚
蝦🦐有幾多隻，爽口彈牙，如果可以鮮甜啲就更加好，另外配左個紅色酸酸甜甜既醬，感覺幾清爽，不過就咁食原味都唔錯～
青口都有雌雄之分，雄性既生殖腺為乳白色，雌性既就係黃色，所以性別之分就係睇肉既顏色分辨，今次既就兩款都有～ 翡翠青口既海水味同甜味雖然不及藍青口，一般會冰鮮真空以保持新鮮，由於啖啖肉，所以係冷盤常見既選擇
生蠔🦪細隻左啲，海水味🌊唔係好重，不過勝在幾鮮甜同creamy，餘韻悠長，另外配埋檸檬汁🍋辟腥提出鮮味，入口既時候會清甜啲
翡翠螺🐚爽甜，口感彈牙帶啲煙韌，且帶嚼勁，螺肉豐腴肥厚，質素幾好～
鮑魚應該有磯燒過幾惹味，應該用左薄口豉油、昆布同味醂去炆，大大隻好入味，鮮甜彈牙唔會韌，有淡淡既甜味幾好食😋
Seafood Tower
42 瀏覽
0 讚好
0 留言
餐包🥖🍞 (好味指數：😍😍😍😍)
今次既餐包試左4款，唔夠既話仲可以refill tim～ 全部都可以配牛油🧈食，味道都唔錯～
面頭係我地見慣既牛油餐包🧈🍞，暖暖地幾有牛油香味🧈，質地比較濕潤鬆軟～
番茄包🍅🥖唔會好硬，外脆內軟，裡面有啲番茄乾🍅酸酸甜甜都唔錯～
棍子麵包🥖酸酸地，不過就稍為硬啲，同平時食既法包🥖差唔多～
芝士薄脆🧀幾香口，質地香脆，有芝士🧀既鹹香～
餐包
30 瀏覽
0 讚好
0 留言
主菜: 1⃣️ Hanger steak 🥩 (好味指數：😍😍😍😍)
hanger steak🥩係封門柳，係牛🐮橫膈膜既肌肉，每隻牛只有一條比較罕有，顏色比較深沉，油花比較少同埋纖維比較幼細，肉質幾嫩滑鬆軟唔會韌，幾juicy，不過牛味🐮唔夠濃郁，可能因為同下面會提到既ribeye有比較😂 可能因為用既品種唔一樣，如果就咁食呢個都還好～ 下面仲配左啲黑松露⚫️薯蓉🥔，幼滑creamy又香口～ 另外有埋澳洲🦘BB西蘭花🥦做配菜，係西蘭花🥦同芥蘭mix埋既新型蔬菜🥬，比起芥蘭更加脆嫩又鮮甜～
Hanger Steak
33 瀏覽
0 讚好
0 留言
主菜: 2⃣️ Sustainable barramundi🐟 (好味指數：😍😍😍😍🤩)
今次用既澳洲盲曹🐟，係符合可持續發展原則♻️捕獲或者養殖既海鮮，呢個概念幾好，亦都值得支持💪🏻 食落肉質潤滑結實，煮到啱啱好幾嫩滑，魚脂適中，味道鮮美又無咩骨～ 魚皮金黃香脆帶有啲油香，整體都好食😋 今次配左咖哩椰汁🥘🥥，咖喱🥘同椰汁🥥係好朋友，味道香濃惹味，用泡沫既形式整幾特別，口感順滑又會輕盈同靚啲～ 而配菜就係普羅旺斯燉菜 (ratatouille)同菠菜苗🥬，透過將啲蔬菜🥬一齊煮去帶出醇厚天然既甜味，下面仲有一啲黃色既couscous (非洲小米)，其實唔係米黎，係用粗麵粉或者粟米🌽製成，形狀好似小米咁，口感綿密好得意🤩 唔會好似白飯🍚咁腍，亦都無藜麥咁硬～ 飽肚之餘低卡纖維又高幾健康，索到魚🐟既香味同埋下面既汁幾正～
Sustainable Barramundi
25 瀏覽
0 讚好
0 留言
主菜: 3⃣️ U.S. Beef ribeye carving 🇺🇸🥩- +128 (好味指數：😍😍😍😍🤩)
果然係一分價錢一分貨，加左錢要ribeye🥩係好食啲😋 肉眼因為中間有一塊油花好似眼👀咁，所以有左呢個名，肉質鮮嫩有彈性，油花多又分佈均勻，牛味🐮濃郁，小編叫左5成熟煎得啱啱好，唔會過熟，煎既時候油脂化開，同周圍既肉融合埋一齊，所以油脂入口即溶幾甘香～ 不過略嫌肥左啲... 旁邊有配到甜甜地既蜜糖烤蕃薯粒🍯🍠，出面脆脆地，裡面綿密又爽爽地都幾好～ 配埋烤過既菜🥬，水分抽乾左啲之後更加香口，配埋啲肉汁幾惹味～
U.S. Beef Ribeye Carving
$128
29 瀏覽
0 讚好
0 留言
甜品: 1⃣️ Seasonal berries clafoutis 🫐🍓🥧 (好味指數：😍😍😍😍🤩)
Clafoutis個樣有啲似tart🥧，口感介乎喺蛋糕🍰同麵包布丁🍞🍮中間，幾特別同有新鮮感，味道有啲似custard味既麵包布丁🍞🍮，質感軟綿綿，口感順滑又creamy，配埋酸酸甜甜既藍莓🫐同紅莓🍓，幾清新解膩，邊位幾香口，食完主菜已經幾飽，食翻個唔咁漏既甜品幾好～ 配埋開心果醬，有濃醇既獨特芳香，如果可以多啲或者多啲層次應該更加分明同埋特別
Seasonal Berries Clafoutis
42 瀏覽
0 讚好
0 留言
甜品: 2⃣️ Dark chocolate tart🍫🥧 (好味指數：😍😍😍😍🤩)
用左62%既黑朱古力🍫，唔會好甜，味道香濃甘醇，口感軟滑濕潤，creamy得黎又有啲似拖肥既感覺，好似食緊真朱古力🍫咁但又唔會漏，出面既撻皮🥧香脆帶有牛油香味🧈，攞叉整開既時候唔會碎晒幾好～ 旁邊有3點酸酸甜甜柚子醬🍊，清爽解膩，中和翻食朱古力既飽膩感，特別係食到甜品已經幾飽下，呢個醬係幾好既點綴～ 不過雲呢拿cream🍨同埋焦糖海鹽醬🧂，可惜份量唔多突出唔到雲呢拿cream🍨既芳香同軟滑，亦都突出唔到焦糖嗰種甜中帶啲焦化後既苦澀味同海鹽🧂crossover既驚艷效果，有啲嘥左～
Dark Chocolate Tart
38 瀏覽
0 讚好
0 留言
online package: $3102 per 2 ppl
好味指數：😍😍😍😍🤩
推介指數：😍😍😍😍🤩
張貼
