新泰東南亞餐廳 (已結業)

喺灣仔食飯就選擇左W Square地下好似開緊一間日本店舖，樓上2樓就有一間泰國菜。裝飾嗰啲都唔錯，有泰國氣氛。泰式凍咖啡＄38奶和埋齋啡分開，自己整嘅，甜甜地，好有泰式風味，同港式嘅咖啡味道相差好遠，不過都係好好味不會奇怪。鐵板蠔仔炒蛋＄88聽朋友講，攞啲蠔仔出嚟要好多工序，通常都係一啲婆婆或者伯伯整佢哋出嚟，炒蛋份量都唔少，而且啲口味好香，下面係鐵板所以keep住熱好耐。魚肉生菜包＄138 生菜包可以選擇唔同嘅肉類，我哋都想食魚所以就選擇左魚。估唔到上嘅時候有魚頭有魚尾，中間就有啲炸過嘅魚肉，沒有骨。加上好多唔同嘅調味料，不過當然整生菜包嘅時候唔suggest多調味，因為味道會好濃，炸完仲有啲表皮好金黃好香脆，味道清新又唔辣。