Daily 13 (已結業)

之前網上見到介紹daily 13有甜品放題，即刻約埋老公一齊去食。餐廳位於荃灣柴灣角街38-40號銓通工業大廈13樓A室，對面有個爛地停車場，方便泊車，如果搭車可以由荃灣廣場個邊行過黎，10-15分鐘左右，雖然有點遠，但真心推介好值得黎餐廳裝潢好靚，以雲石為主，樓底高，空間感好大，影相打卡一流。餐牌有Set Dinner，主菜、小食，甜品，甜品仲可以升級甜品放題。脆炸雞翼配香辣蛋黃醬炸漿唔會太厚，炸到好脆，雞翼仲保持到肉汁，而且辣辣地，好香口好好味，停唔到口溫泉蛋卡邦尼意大利粉意粉火喉剛剛好，軟硬適中，口感Creamy，加埋溫泉蛋攪拌一齊食，蛋香味更濃，好飽肚甜品放題有十多款，款款都好吸引朱古力慕絲，蕉糖布丁，紫薯慕絲細細杯，可以試多幾款，3杯都唔會太甜，好滑，而且味道好濃郁辣椒絲朱古力蛋糕估唔到辣椒絲朱古力味道又幾夾，小小辣，唔會蓋過朱古力味，朱古力蛋糕口感好似成緊成舊朱古力，唔似食緊蛋糕，朱古力控必食金莎朱古力味道除左有朱古力，仲有金莎味，金莎朱古力第一次飲，又唔會好甜，而且仲有粒金莎。今餐晚餐真係好飽，捧住個肚走