糖品 (已結業)

女人，食飽飽都係要食糖水架難得來西灣河，試下d甜品先 --- 糖品小小的店10張小枱，20個位，竟然咩類型既甜品都有D24 榴槤冰露大大粒榴槤肉球，下面鋪滿椰汁雪芭，加埋椰果同水晶珠，絕配喔，返唔到轉頭。芝麻糊焗蛋白蛋白加入芝麻，再焗成梳乎厘，出色之作，啖啖蛋白香味，如果冬天食，更一流。紅棗冰露全港首創，紅棗沙冰，酒浸紅棗，每一個細節，老闆都有要求。好耐無食過咁出色既甜品，誠意之作，大大份，絕對可以再去既小店。