Pickabowl (D2 Place ONE)

營業中

休息中

前一日喺OpenRice search荔枝角有咩好食，見到呢一間餐廳賣健康沙律餐，賣相好吸引，於是買外賣返屋企同家人食。因為有好多唔同食材揀，種類五花八門，我企喺餐廳門前都有一段時間，服務員好親切咁樣介紹食材俾我聽，見我唔係住喺附近，又係見工面試後去幫襯，佢哋俾多啲食材我，又比我試吓吞拿魚(家人叫咗三文魚)。如果遲啲有機會再嚟荔枝角嘅話，一定會再幫襯支持。夏威夷海浪三文魚$76- 配菜有番茄、青瓜、甜椒配黃薑椰菜花和白飯。食材好新鮮，三文魚、吞拿魚都切得好大粒。黃薑椰菜花切得好碎，好容易入口。健康沙律份量足夠，讚！DIY 自選$84- 我選擇泰式青檸大蝦、蒜辣八爪魚、紅菜頭（紅菜頭、甜黃椒、紅腰果、青豆），黃薑椰菜花同糙米飯。大蝦用泰式香料醃製，加上青檸味道令到蝦肉好清新。蒜辣八爪魚就啱啱相反，蒜蓉令八爪魚重口味，同埋有辣油醃製，食八爪魚同底下嘅糙米飯同椰菜花有麻同辣勁，非常刺激。紅菜頭口感爽脆，味道清甜，感覺非常健康，推介！