大叔拉麵

今日同朋友去咗荔枝角D2 Place二期嘅「大叔拉麵」

餐廳以人氣插畫「Chubby Ojisan 江大叔」為主題，店內裝潢同食具都有相關角色圖案，幾可愛同有特色。環境佈置亦以水怪為主題，有水怪紙牌、公仔等，幾有打卡價值。餐廳座位以全吧檯設計，日系簡約風格，氣氛輕鬆。


🍜 食物質素
• 鹿兒島和牛紫菜牛骨湯拉麵：湯底用牛骨熬製，飲落有濃郁嘅牛骨香，搭配嘅鹿兒島和牛肉質呈現雪花紋理，口感嫩滑。碗邊附上嘅紫菜印有水怪圖案，幾得意。

• 特勝濃厚雞白湯拉麵：雞白湯底濃稠得來唔膩，飲落有明顯嘅雞香味。麵條可以選擇硬度，我揀咗普通硬度，食到尾都冇變軟，口感不錯。配料有慢煮雞胸肉同叉燒豚肉片，雞肉嫩滑，豚肉片肉味都算濃。

• 日式南蠻炸雞：炸雞外酥內嫩，咬落有肉汁，搭配嘅南蠻醬係酸黃瓜同美乃滋混合，酸酸地幾開胃，令炸雞食落香而不膩。