十人十色 (已結業)

12月30日, 黎食開咗一段時間既十人十色…見食評咁好, 好過隔離間三上,心諗應該唔錯, 門口見d環境幾好同幾乾淨, 不過食完真係覺得唔值有咁多笑面……我地每次食壽司都會先食三文魚壽司, 一睇碟野都會大慨知道其他魚生新唔新鮮, 壽司大唔大件, 壽司師父有冇心思…咁就攞三文魚壽司先啦~ 魚生好薄, 唔係好新鮮, 仲有d細件…再攞其他一d啦, 有芝士魚子, 北寄貝沙律等等……d料多數只係得雪藏味, 我地都係中午多人食飯時間食, 應該d野要解凍先啦~ 越食越唔對路, 叫個定食飽肚算~ 叫咗滑蛋豬扒飯, 只可以講: 飯冇汁好乾, 豬扒都好乾, 蒸蛋好淡好少料…同隔離三上比, 壽司質素差唔多, 滑蛋豬扒飯一定三上好好多, 蒸蛋我會揀過多少少既濤. 服務就唔講,係西環食野唔會食到服務, 街坊生意最緊要都係味道…