第一round order d 壽司先，依到d三文魚鮮甜到不得了，出面好少可以食到，原來佢上碟前已經加左d汁，可能係d汁帶出左佢既鮮甜，好正! 其餘既壽司都好好食，好多新款式~
第二round叫熟食，除左燒三文魚，其他熟食都超難食，清酒煮蜆d蜆又細隻又乾，而且一d酒味都冇，反而有面士味，唔係掛~ 從來冇食過禁難食既清酒煮蜆，$35一碟真係要俾個叻字佢!
豆腐亦都冇味，最緊頂係個雞肉軟骨串，咸到傻，我同bf禁為食既人食左2啖都頂唔著，咸到食唔落，仲即刻生左粒飛滋，好厲害!
最後order雪榚，蜜瓜雪榚超好食，不過$26細細個，好食係應該既!
埋單$325，2個人, 比平時食壽司貴左一百蚊呀~ 而且服務very bad，超唔夠人手，冇茶要等...埋單要等....簽卡要等....，加一個30蚊服務費俾得好唔值! 食sushi既地方service唔應該禁差架wor~
如果下次黎，suggest 點壽司only.........
