燈籠滷味 (登龍街) (已結業)

去咗銅鑼灣登龍街搵食，見到街尾有間叫燈籠滷味係食台灣麵小吃，見評論幾好，所以就等等位去食啦！模式有啲似港式車仔麵， 但當然配菜嘅款式係以台灣款式為主，叫左份冬粉(粉絲), 味道幾好，質感唔會過爛，仍有咬口而且幾入味！好香鹵水嘅味道，超入味！豬耳爽脆亦帶鹵水嘅香，而甜不辣口感亦好正，煙韌有彈牙！正。另外叫咗一份台式香蒜腸，非常濃味惹味，好岩味道！芋圓有芋頭味，蕃薯味，紅豆，珍珠， 煙韌q彈又香甜，各種口感於一身，超正， 味道又唔會死甜，剛剛好非常好食！