平民扒房@友蠔食 (已搬遷) 新店位置

旺角地膽朋友知道我鐘意食生蠔同牛肉，不過喺出面食都係有啲貴，唔太捨得。今日同就我去呢間平民扒房@友蠔食，佢哋嘅價錢唔貴又好食，真係名乎其實☺️。#是日靚湯-南瓜湯用新鮮南瓜切碎打汁煲湯，夠新鮮亦清甜。#生蠔先叫咗半打是日推介，啲蠔好爽口好新鮮，另外再叫咗買一送一西班牙生蠔，大大隻，好新鮮，爽口又好食，怪唔得枱枱都見到佢哋。#石燒牛扒通常平時食嘅石板燒牛只有一塊石燒，有時會煎得過熟，餐廳比咗一塊超熱石燒用來煮熟啲牛扒，另一塊凍嘅就可以keep 住啲肉唔會過熟，非常之讚，牛扒又厚又大塊，肉質鮮嫩，夾埋蒜蓉同醬汁一齊食，好好味😋。#蒜香海膽香草意粉用新鮮海膽同三文魚子炒意粉，啖啖都有海膽味，意粉彈牙又入味，海膽控一定要試試☺️。#特飲最後叫咗一杯芒果特飲同黑加倫子特飲繼續吹水，兩杯都酸酸甜甜，好醒胃。