尋日出開觀塘做嘢， 因為都幾忙， 所以都係落去公司附近諗住快食， 經過有個姨姨派緊單張， 樓上𠕇間茶餐廳新開張， －個餐大約$6x, 已包餐湯， 餐飲和－個主食， 而家仲有9 折優惠， 幾扺食，近近地就上去試吓.
餐廳環境舒適， 乾淨衞生， 坐位寬躺.
同同事每人叫咗一個餐， 份量算多， 食曬成都幾飽.
脆烤香草雞扒伴野菌燒汁:雞扒肉質鮮嫩， 唔鞋口， 啖啖肉， 野菌燒汁又唔會好流， 唔錯.
磨菇汁焗魚柳意粉：即焗， 上枱個碟仲熱辣辣， 條魚柳好長， 長過隻碟， 魚柳厚切， 好味
整體上， 食物味道環境衞生上準都ok , 下次可以再encore
