影片
更多
2021-11-22
3181 瀏覽
今日朋友帶我嚟旺角食火鍋放題，佢話抵食兼且CP值高，所以就去試一試。上到去超多人，好彩朋友一早攞定飛，所以等左陣就入座，入座前就要決定湯底同要邊個餐，我哋揀左B餐特選安格斯牛，湯底要麻辣拼金寶蕃茄羅勒湯(貪佢係旺角限定😏😏)。先講湯底，我唔係好食麻辣都覺得接受到喎，反而朋友話唔夠辣，我估因為比較大眾化d，所以唔會整到好辣，如果要食好正宗嗰啲，就去打正旗號麻辣火鍋嘅舖頭食會啱d。蕃茄湯清清甜甜，用嚟打邊爐就可以食到食物嘅原味，所以都推介！至於食物，我叫晒同牛有關嘅野🤣🤣安格斯牛好鮮嫩；封門柳肥瘦適中；牛板健牛味濃；牛利心托薄薄的，有微微嘅牛脷羶味。其他食物都好新鮮，選擇又多，特別推介八吋長腳蟹棒，好鮮甜；鮮鵝腸，唔會肥膏多過腸；脆鯇魚片，好大片，淥完唔會縮細到搵唔到；蟹籽手打蝦滑，好彈牙。飲品選擇亦都多，我揀左佢自家製冰糖燉檸檬，甜甜酸酸好開胃甜品有雪糕、布甸，可惜我實在太飽，所以冇試到。以每位二百零蚊嘅放題，哩度真係好抵食👍🏻👍🏻
上到去超多人，好彩朋友一早攞定飛，所以等左陣就入座，入座前就要決定湯底同要邊個餐，我哋揀左B餐特選安格斯牛，湯底要麻辣拼金寶蕃茄羅勒湯(貪佢係旺角限定😏😏)。
先講湯底，我唔係好食麻辣都覺得接受到喎，反而朋友話唔夠辣，我估因為比較大眾化d，所以唔會整到好辣，如果要食好正宗嗰啲，就去打正旗號麻辣火鍋嘅舖頭食會啱d。
蕃茄湯清清甜甜，用嚟打邊爐就可以食到食物嘅原味，所以都推介！
至於食物，我叫晒同牛有關嘅野🤣🤣安格斯牛好鮮嫩；封門柳肥瘦適中；牛板健牛味濃；牛利心托薄薄的，有微微嘅牛脷羶味。
其他食物都好新鮮，選擇又多，特別推介八吋長腳蟹棒，好鮮甜；鮮鵝腸，唔會肥膏多過腸；脆鯇魚片，好大片，淥完唔會縮細到搵唔到；蟹籽手打蝦滑，好彈牙。
飲品選擇亦都多，我揀左佢自家製冰糖燉檸檬，甜甜酸酸好開胃
甜品有雪糕、布甸，可惜我實在太飽，所以冇試到。以每位二百零蚊嘅放題，哩度真係好抵食👍🏻👍🏻
張貼
