巴巴串 (已結業)

好耐冇同男朋友出去大吃一番了，今次決定試下呢間係觀塘嘅巴巴串😝好滿足食到舔舔脷🤤環境寬敞，啲位都算多，坐得好舒服，晚市多人嘅時候都唔會話坐得好迫好唔舒服🫢我地食晚市黃金時段，星期一$238一位未計加一，呢度所有嘢都係任飲任食😍自助凍肉燒烤區包羅萬有豬、牛、雞、丸類、腸類、菇類及蔬菜及海鮮。我嗌咗勁多翠玉瓜，雞翼，小蕃茄，糖心蛋，番薯仔🥔同埋呢度仲會有幾款秘製醬汁，可以按自己喜好去加。男朋友鍾意加咖喱醬去配搭肉類😜十分惹味🤓講吓呢度串燒既特色一定係串燒支簽啦，佢有個齒輪仔，你放落個爐就會不斷自轉，好方便，唔使下下叫男朋友燒😜由於佢自己會自轉，所以燒得都均匀，操作又簡單😌男朋友表示終於唔使服侍我🤣🤣除咗任食串燒，仲有熟食，炸物，無限飲品同雪糕🍦咩味都有😋炸物炸到脆卜卜😍超級吸引呀😝😝自助飲品區有汽水，茶類及各式紙包飲品，甜品方面則有杯裝雪糕🍦男朋友話會再encore😌我都即刻推比身邊啲friend！包佢哋食過返尋味🤪🤪