INN - I’m Not Nothing (已結業)

由於WFH之後，元朗大部分既餐廳都試過，INN 我試過其他分店，不過通常都係食晚市，咁岩今日午市黎試，先發現原來有午市menu，CP值仲好高。餐廳嘅裝修幾靚，而且我黎嘅時間都算幾早，所以客人都冇咩，幾安靜。同埋餐廳位於學校附近，我諗撞正學生放lunch時間，人氣會多Ｄ。我之前試過荔枝角嘅分店，知道餐廳嘅水準唔錯。我哋叫咗兩個餐，分別係香草燒春雞配秘製燒汁同埋蟹肉鹹蛋黃意大利飯。燒春雞肉質好鮮嫩，另外食落嘅肉汁都好豐富，比想像中更加好，而燒汁嘅味道同雞肉都夾得啱啱好，唔會太鹹。意大利飯方面，一上到嚟就見到蟹肉份量好多，鹹蛋黃同飯撈埋一齊，唔會太膩。另外我哋叫咗兩杯嘢飲，跟餐仲有優惠士多啤梨藍莓奶昔，味道有奶蓋嘅感覺，啱曬我。另外一杯係花茶黎，上台嘅時間茶同杯分開，拎嚟打卡都幾好。