人和月雞煲火鍋店 (已結業)

上個星期氣溫開始轉冷， 就同咗屋企人去咗位於尖沙咀海防道嘅呢一間《人和月雞煲火鍋》打邊爐。餐廳地點方便， 去完睇聖誕燈飾後開餐就最適合不過。餐廳分成唔同時段晚市放題， 今次就選擇咗中價位嘅特選滿足吃到飽。打邊爐之前可以選擇一個頭盤， 由於太肚餓， 所以就叫咗《自家韓式芝士雞》。 呢個韓式芝士雞相當鮮惹味， 唔好以為紅卜卜好辣， 食啦甜甜地， 只有微辣， 連小朋友都接受到。 另外加入咗大量芝士做成拉絲效果， 配合年糕一齊食， 口感煙煙靭靭， 確實非常開胃。黎到主打菜打邊爐， 湯底方面選擇咗一個清清地嘅《 藥膳養生牛奶鍋》。 用嚟配襯極品級嘅牛肉， 簡直係一流。跟住侍應就會傳上一盤美國高級靚牛， 分別有《嚴選牛下肩牛， 牛板腱，金錢展， 高級雪花肥牛，同埋特級牛胸爽》。每款牛肉都非常之新鮮， 牛下肩雪花平均，入口即溶。牛板腱牛味道最為濃郁， 而金錢展切得薄薄的， 輕輕灼一灼就食得， 口感爽口。至於牛胸爽， 唔好以為係肥膏， 咬落爽口， 而且帶點肥美。除咗牛之外， 仲有其他配料可以自己點算以及自取。 自取配料款式大眾化， 響鈴、山根、丸類、 蟹柳、蔬菜等， 一應俱全。至於飲品，大推各款自家沖