壽司郎 (黃埔天地)

營業中

休息中

自從黃埔開左壽司郎之後，我就成日走去食啦。每次經過都會見到好多人排隊，所以有時我都會叫外賣返屋企食。堂食既話，我大約食咗三次，第一次食覺得啲壽司好好味，而且啲食物都好新鮮，但係最近我食嘅時候發現佢嘅質素下降咗好多。佢嘅飯真係好散，一夾就碎晒。我哋叫咗個吞拿魚壽司，雖然佢肉質肥美，但啲吞拿魚好多筋。另外我地仲叫左海膽撈麵，諗住試新野啦。佢成個麵海膽味極濃，係唔錯既，但唔係食開既人可能會反感。我最鐘意既係佢既茶碗蒸，好足料，有蝦、雞肉、元貝，好味。希望壽司郎既水準唔好甘飄忽，改善下，唔好因為生意多左就質素下降。