影片
更多
2022-07-02
148 瀏覽
作為食肉獸，每次食燒肉最開心，前排去咗旺角OPPA韓國燒肉店，性價比唔錯喎。 👍一坐低店員會送上小菜（有泡菜、芽菜及海帶）、生菜籃及醬料，泡菜味道唔會太酸，三款都好食。醬料嘅韓國豆醬味道唔錯，配肉好夾。 💖食物方面，分別點咗五花腩、加大拿牛排骨、扇貝及牛肋骨湯。五花腩有三大片，而且算厚身，食落肉味夠，燒到兩邊金黃色，用生菜包住黎食，正呀。（忍唔住夾咗一片去燒，所以幅相得兩片😆😆）至於加大拿牛排骨幾大份，牛肉用醬汁腌製，味道偏甜，不過醬汁味道幾濃郁，食完飲番杯小麥茶解解膩就啱哂。😉扇貝一碟4隻（附牛油及蒜蓉），扇貝肉夠大隻，味道OK，同埋餐廳海鮮選擇亦唔少，花多眼亂呀。而牛肋骨湯好有驚喜，非常足料，入面有兩大舊燉到腍嘅牛肉及白蘿蔔，加入杞子、紅棗味道帶些微甘甜，呢個好好味呀！ ❤❤餐廳燒肉選擇夠多，下次會想試下其他韓式料理。雖然座位唔多，但每一枱嘅隔離板做得好足，食得好安心。😃
一坐低店員會送上小菜（有泡菜、芽菜及海帶）、生菜籃及醬料，泡菜味道唔會太酸，三款都好食。醬料嘅韓國豆醬味道唔錯，配肉好夾。 💖
食物方面，分別點咗五花腩、加大拿牛排骨、扇貝及牛肋骨湯。
五花腩有三大片，而且算厚身，食落肉味夠，燒到兩邊金黃色，用生菜包住黎食，正呀。（忍唔住夾咗一片去燒，所以幅相得兩片😆😆）
至於加大拿牛排骨幾大份，牛肉用醬汁腌製，味道偏甜，不過醬汁味道幾濃郁，食完飲番杯小麥茶解解膩就啱哂。😉
扇貝一碟4隻（附牛油及蒜蓉），扇貝肉夠大隻，味道OK，同埋餐廳海鮮選擇亦唔少，花多眼亂呀。
而牛肋骨湯好有驚喜，非常足料，入面有兩大舊燉到腍嘅牛肉及白蘿蔔，加入杞子、紅棗味道帶些微甘甜，呢個好好味呀！ ❤❤
餐廳燒肉選擇夠多，下次會想試下其他韓式料理。雖然座位唔多，但每一枱嘅隔離板做得好足，食得好安心。😃
張貼
