影片
更多
2018-04-17
7605 瀏覽
曾經有一段時間，朋友間都幾沉迷食放題，而最近開始試多左其他日本菜，就間中先會食下。是日約左朋友喺荃灣見面，選定放題，大家一齊放肆食多D，我地都好耐冇見，對上一次都係食呢間放題慶祝生日，今次再來，可見呢間餐廳喺我地心目中都係唔錯的。餐廳位於大鴻輝中心，一早預約左位置，但朋友落錯車…搞到我地遲到左入場，好在因為平日，都未至於好爆場，而店員都好好。呢度位置好多，而且沿路已經見到自取區，煥醒番我第一次來，見到飲品櫃好壯觀，好多款式嘅記憶。好快我地坐低左，星期一至四，7點半前離座208位，7點半後係248，而宵夜只係218，難怪見到我地食到尾，接近十點，都仲有唔少人入座，食足兩個鐘。最重要係：上菜速度夠快，冇漏單，寫幾多來幾多！任食任飲種類夠多，刺身：三文魚、吞拿魚、北寄貝、甜蝦、赤蝦、油甘魚、希靈魚、玉子、鮑片。仲有我覺得最好食，要追加嘅北寄貝、赤貝、馬刀貝呢幾隻貝類，好新鮮，爽脆壽司方面我地都食左好多，可能有D人會主力食刺身，但我地都鐘意食壽司果D款式。而且佢地呢度舊飯都唔會好大，係屬於好食的。壽司有分火炙，我最鐘意點火炙芝士玻璃蝦、火炙蟹棒、火炙左口魚等，一人食左每樣兩件另有軍艦：蟹籽、芥
呢度位置好多，而且沿路已經見到自取區，煥醒番我第一次來，見到飲品櫃好壯觀，好多款式嘅記憶。好快我地坐低左，星期一至四，7點半前離座208位，7點半後係248，而宵夜只係218，難怪見到我地食到尾，接近十點，都仲有唔少人入座，食足兩個鐘。
最重要係：上菜速度夠快，冇漏單，寫幾多來幾多！
任食任飲種類夠多，刺身：三文魚、吞拿魚、北寄貝、甜蝦、赤蝦、油甘魚、希靈魚、玉子、鮑片。
仲有我覺得最好食，要追加嘅北寄貝、赤貝、馬刀貝呢幾隻貝類，好新鮮，爽脆
壽司方面我地都食左好多，可能有D人會主力食刺身，但我地都鐘意食壽司果D款式。而且佢地呢度舊飯都唔會好大，係屬於好食的。
壽司有分火炙，我最鐘意點火炙芝士玻璃蝦、火炙蟹棒、火炙左口魚等，一人食左每樣兩件
另有軍艦：蟹籽、芥辣八爪魚、吞拿魚沙律、芝麻八爪魚等，紫菜都唔會太腍
而創作壽司都幾特別，以店名命名嘅大、井、町，都名副其實好有創意，特別係有泰式風味嘅「町」。
熟食方面好多選擇，通常我地先點刺身、壽司，食到淨番1/3，就點熟食，唔怕上菜太快，會食唔切
而呢度嘅熟食都有幾款特別好食，包括係鹽燒牛舌，厚身唔un，仲幾有黑椒香。
台灣一口腸、燒蝦、燒鯖魚、燒雞翼都好食，唔會太油，雖然未至於熱辣辣，起碼唔會燒起好耐。
炸物基本上都好食，仲要撞著新鮮炸起嘅天婦羅蝦、天婦羅菇，正
而另一樣推薦，係芝士年糕，好鬼軟熟，流心咁
飲品方面真係超多選擇！
甜品唔係期望太高，正常唔伏。
最後仲有每人一份movenpick雪糕或者雪條
張貼
