鴻圖樓茶餐廳

營業中

休息中

今日黎到觀塘行街食飯，行到累累地就搵間餐廳食下野休息下。比我地發現左呢間餐廳，店面非常之大，就決定入黎試下。首先我地叫左個雙拼叉燒燻蹄飯。叉燒肥瘦適中，肥瘦分佈平均，口感一流。味道都唔錯。軟硬適中。非常野味。第二個餐係咖喱牛腩飯，我個人最喜愛就係咖喱撈飯，一啲都唔辣，而且味道都好好。份量十足，牛腩煮到好入味，入口即溶。值得一試。重叫左兩杯野飲，一杯係凍奶茶，茶餐廳既凍奶茶係最好飲，係我熟識既味道，非常滑溜。甜度適中。另一杯係熱朱古力，好香濃，而且唔會太甜，味道岩岩好，好暖胃。