影片
更多
2016-03-30
844 瀏覽
紅磡真係一個覓食既好地方，雖然一個禮拜因為返學既關係要出黎4日，但係永遠都可以有新野試我本身係一個好長情既人，食開邊間就會一直好想繼續去，仲要比人話我係咪當左個間野係canteen個種今日收工係對面海搭巴士未夠6點就到左紅磡，唔知點解想食得清淡D同一條街既上海麵又未開，於是就決定試下五芳齋，因為可以坐得舒服D由於唔係食飯時間既關係，都係得幾檯人，所以唔使等位講返正題，下午茶主要有3個價位，最貴既刨冰系列我諗到天氣熱D既時候再食啦最平個個就係$35包凍/熱豆漿，轉野飲另計，下午茶時段免加一今次就叫左津白肉絲炒年糕配熱豆漿豆漿應該係最基本既野，但唔知點解唔係間間飲落都正常，太甜、冇味、太稀甚至有燶味既都有，而個D鋪頭仲分分鐘係野食整得唔錯既餐廳而五芳齋既熱豆漿無論甜度定濃稠既程度都恰到好處，值得一讚至於主菜方面，雖然我本身對下午茶既份量都唔會有太大期待，但上碟第一眼見到個時我都有少少嚇親，個一刻我係度諗返屋企使唔使再搵D野食下......但後來食食下又OK喎，可能我早食同埋D年糕都飽肚啦不過最令我驚喜既唔係津白、唔係肉絲亦唔係年糕，反而係冬菇蠔油同冬菇不嬲都係絕配，而全碟最入味既竟然就係D
我本身係一個好長情既人，食開邊間就會一直好想繼續去，仲要比人話我係咪當左個間野係canteen個種
今日收工係對面海搭巴士未夠6點就到左紅磡，唔知點解想食得清淡D
同一條街既上海麵又未開，於是就決定試下五芳齋，因為可以坐得舒服D
由於唔係食飯時間既關係，都係得幾檯人，所以唔使等位
講返正題，下午茶主要有3個價位，最貴既刨冰系列我諗到天氣熱D既時候再食啦
最平個個就係$35包凍/熱豆漿，轉野飲另計，下午茶時段免加一
今次就叫左津白肉絲炒年糕配熱豆漿
津白肉絲炒年糕、熱豆漿
$35
24 瀏覽
0 讚好
0 留言
而五芳齋既熱豆漿無論甜度定濃稠既程度都恰到好處，值得一讚
至於主菜方面，雖然我本身對下午茶既份量都唔會有太大期待，但上碟第一眼見到個時我都有少少嚇親，個一刻我係度諗返屋企使唔使再搵D野食下......但後來食食下又OK喎，可能我早食同埋D年糕都飽肚啦
不過最令我驚喜既唔係津白、唔係肉絲亦唔係年糕，反而係冬菇
蠔油同冬菇不嬲都係絕配，而全碟最入味既竟然就係D冬菇，就咁食落應該唔似係鮮菇，唔錯
津白同肉絲都不過不失，我個人偏好腍少少既津白，而呢碟入面既就介乎爽口同腍之間，豐富成碟炒年糕既口感
至於年糕我就反而有少少失望，大家都知上海年糕本身都係由一條切成一片片，可能係因為炒個時冇兜得好勻，所以有幾片都仲係痴埋一齊，導致有其中一面都係白色冇沾到D汁 當然35蚊既下午茶我唔會有咁高要求，但如果用正價黎食既話就未必過到我個關
整體黎講都炒得幾香幾入味，我一邊夾黎食一邊玩手機都好快食哂
總括黎講，以$35食到酒店餐廳既上海菜絕對係超值，而且環境又乾淨坐得又舒服，睇黎都可以考慮將五芳齋加入我既canteen list再試哂其他野...哈哈
題外話/補充資料：
其實我一直對五芳齋呢個名都有一個迷思，因為平時成日經過都會同朋友點解門口會貼住唔係素食餐廳的notice，後來無聊揭下個main menu就恍然大悟了，我仲影埋比我fd睇，我諗D人見到我呢個行為應該覺得我唔太正常haha
(以上食評乃用戶個人意見 , 並不代表OpenRice之觀點。)
張貼
