南洋 (已結業)

見到有肉骨茶就好想食，肉骨茶夠大碗，聞落幾香，望落去顏色幾深色，好似好夠味。飲落都幾香藥材味，味道偏鹹咗少少，但係夠濃郁，幾好飲。入邊啲豬肋骨都幾夠林，味道唔錯。馬拉盞辣肉炒飯，一上枱已經好香。少少辣，有肉碎、四季豆粒及蛋絲等，好惹味。我一向鍾意食炒飯，所以覺得馬拉盞個味道夾埋肉碎真係可以食好多碗。全隻燒雞熱辣辣，有雞油。外面皮少少脆，幾香。雞肉夠滑。多啲人食會好啲。飲品叫咗椰青夠甜，透心涼。青檸梳打又夠爽，夏天好正！