影片
更多
2022-05-01
47 瀏覽
成日都覺得大角咀呢個地方好遠，喺旺角行過去或者南昌行過去都唔係好近，今日個朋友話想試呢間漢堡包，放假就一於試吓啦，原來都有過海巴士直達嘅行幾步路就到。去到門口就已經見到有兩個大嘅Anson Lo人形紙板，唔通老闆係神徒😂😂朋友同我決定分散投資，試吓唔同嘢。C4套餐：和牛BBQ套餐($78)，轉左日式蟹膏芝士薯條(+$28)同埋手工冷泡茶(+$15)。包皮比起其他burger舖頭厚，份量都算大架。平時出邊食啲和牛漢堡，都硬係覺得有少少油膩，呢一個包加左片菠蘿，又真係平衡到油膩感，菠蘿嘅甜味同和牛岀奇地夾！其他配料番茄加生菜都係standard野。反而薯條幾新奇，出面薯條通常都係配黑松露醬，呢間舖頭都有提供，所以想試吓呢一個日式蟹膏醬，最入邊都會見到一粒粒嘅不過未知係蟹膏定係蟹肉粒。朋友對蟹敏感，不過都可以一齊食，因為醬係另外自己點嘅，本身薯條上邊有芝士粉，就咁食都惹味！Cp值高，本身$78就有burger+fries/salad/corn + 飲品架啦！M2 芝士和牛漢堡扒Mac&Cheese ($68) 跟一支汽水，我地再加左$10要牛油粟米。就咁Mac & Cheese 就食得多，加
去到門口就已經見到有兩個大嘅Anson Lo人形紙板，唔通老闆係神徒😂😂朋友同我決定分散投資，試吓唔同嘢。
C4套餐：和牛BBQ套餐($78)，轉左日式蟹膏芝士薯條(+$28)同埋手工冷泡茶(+$15)。包皮比起其他burger舖頭厚，份量都算大架。平時出邊食啲和牛漢堡，都硬係覺得有少少油膩，呢一個包加左片菠蘿，又真係平衡到油膩感，菠蘿嘅甜味同和牛岀奇地夾！其他配料番茄加生菜都係standard野。反而薯條幾新奇，出面薯條通常都係配黑松露醬，呢間舖頭都有提供，所以想試吓呢一個日式蟹膏醬，最入邊都會見到一粒粒嘅不過未知係蟹膏定係蟹肉粒。朋友對蟹敏感，不過都可以一齊食，因為醬係另外自己點嘅，本身薯條上邊有芝士粉，就咁食都惹味！
Cp值高，本身$78就有burger+fries/salad/corn + 飲品架啦！
M2 芝士和牛漢堡扒Mac&Cheese ($68) 跟一支汽水，我地再加左$10要牛油粟米。就咁Mac & Cheese 就食得多，加咗塊和牛漢堡扒嘅就第一次試，一上枱熱辣辣，雖然冇乜拉絲效果，但係本身嘅芝士汁連埋和牛漢堡上面嗰塊芝士，已經夠晒Cheesy！同Burger塊扒一樣都好filling，亦都juicy。牛油粟米就冇咩特別，會額外有一個小牛油俾你自己去撈。
店舖都做緊消費券優惠 $5有兩粒炸地瓜圓☺️
總結：地區來講，和牛漢堡包套餐絕對係性價比高，本身個包已經夠大，而且薯條嘅份量都唔欺場。
張貼
