喜天丼 (已結業)

.#哈比四圍食 #尖沙咀 #尖沙咀美食 #天婦羅 #🍤嗰晚同朋友原本唔知搵緊邊間餐廳，唔打唔撞行咗去棉登徑嗰邊，就係因為咁發現咗呢間新開嘅天婦羅餐廳，喺門口睇睇餐牌見到勁吸睛嘅龍蝦天婦羅，同朋友即刻二話不說咁行咗入去已經忘記咗我哋要去搵嘅餐廳了🤣餐廳面積唔算太大，有少少日式小店feel，座位大約十幾個左右，廚房位置屬於半開放式同埋有大玻璃，客人可以睇到師傅喺入邊整嘅過程乾淨企理👍🏻餐牌上邊嘅每一個餐，你都可以選擇配飯/烏冬/麥蕎麵，烏冬亦可以揀凍食/熱湯🦞 伊勢海老丼 $198我就當然揀呢個天婦羅龍蝦丼，大大隻龍蝦熱辣辣上枱，餐廳選用咗西澳龍蝦，平時喺街市閑閑地都二百幾蚊一隻，依家$200都唔需要就可以食到天婦羅龍蝦，睇到師傅係新鮮宰，用料十分上乘，入口龍蝦肉十分彈牙，外層嘅炸粉只係薄薄一層，炸得好好👍🏻🦐 海鮮天丼配湯烏冬 $148呢set就十分豐富，除咗每一個餐都會有嘅蔬菜(茄子、南瓜、冬菇、秋葵、溏心蛋)，仲有海虎蝦、沙椎魚、松葉蟹鉗、帶子，真係每樣都好鮮甜，海虎蝦超級大隻，啖啖肉好滿足，茄子亦10分出色😋同朋友不約而同都話呢間可以encore 🥰