御千丼 (已結業)

✨ 呢間御千丼係條暗黑嘅小巷入面，昏黃色嘅招牌又柔和，並不刺眼，呢間小店真係好小，得幾張枱，𥚃面亦有好多錦旗，好日本風格，有深宵食堂嘅味道。✨ 餐牌✨ 咁小妹我地就一人嗌咗一個魚生丼飯set，再加咗一個雞皮餃子同蟹籽沙律。✨ 先講前菜，有螺肉、沙律同面鼓湯，啲螺肉係凍嘅，唔同出面迴轉壽司嗰啲放暖哂，而且份量幾多，幾抵食。✨ 雞皮鮫子👧🏻 個雞皮餃子係佢地推介嘅，唔同平時啲餃子係用麵粉做皮，呢個係用雞皮做皮，特別得黎又真係幾好食。✨ 三文魚魚子海膽丼👧🏻 小妹嗰個係三文魚魚子海膽丼，啲三文魚好厚切，好大塊，食落幾有口感，啲海膽份量都好多，食落鮮甜。✨ 北海丼👧🏻 小妹朋友嗰個係北海丼，有三文魚、蟹肉、魚子同帆立貝，佢話啲蟹肉唔似出面劣質嗰啲咁乾無海水味，呢度食落好鮮味，仲有少少海水嘅味道。