大和牛石燒專門店 (已結業)

今日朋友帶左我去九龍灣個邊食石燒牛，我地試左2種牛，同share一個漢堡。配套餐既話，沙律，湯同飯都係以自助形式去做。日本A5和牛肉眼蓋油花都幾靚，由於薄切會太快熟既關係，同石板係分開上既。入口有好香既牛油香氣，肉味相對就唔濃啦。不過口感好好，輕輕燒幾下已經熟左同好軟滑～澳洲M6和牛小排呢個肉味會比較濃，肉質有口感，比較咬到牛肉纖維既質感，屬於富油脂香味，同時又有香濃肉味既一款。而且呢個有翻咁上下厚度，熟既程度會比較容易控制。三重芝士軟殼蟹阿波尾雞蛋堡好厚好厚既一個漢堡，軟殼蟹外層炸得夠乾身，外脆內軟，好好食。再加埋煎到半熟既雞蛋，同芝士，成件事好滿足。小食我地揀左炸雞同焗薯條，炸雞脆身，入面都既雞肉柔軟，有肉汁。焗薯條口感就幾得意，比較實在。