薩莉亞意式餐廳 (悅來坊) (已結業)

我果日叫左個明太子意粉、肉醬多利亞、水牛芝士pizza、脆脆蝦同埋飲品。首先係明太子意粉，碟意粉拎上枱時雖然見唔到d明太子，凈係見到好多魷魚，但其實明太子係底下，所以食之前一定要撈暈先好食。之後係肉醬多利亞，肉醬同芝士嘅份量一d都唔少，每一啖都食到，我每次黎都必點。跟住係水牛芝士pizza,成個pizza只有芝士同埋少少嘅蕃茄醬，食落個皮都幾脆。再黎脆脆蝦，脆脆蝦嘅皮好薄，送上黎時會俾埋沙律醬，d沙律醬酸酸地，送上黎之後即刻食先好食。最後係12蚊嘅任飲，飲品嘅種類唔算少，熱同涷都有，仲有個冰櫃可以自己加冰，不過d杯就唔算乾淨。總括來講，好食，上菜速度快。