南洋 (已結業)

前一排在新加坡旅行，獅頭魚身像的打卡就打得多了，今日經過佐敦，竟然被一間小店的手工繪製壁畫吸引住！畫得確實好靚，栩栩如生，色彩分明之間見到店家的心思，店舖雖小，但清新脫俗的布置令人眼前一亮，著名景點與特色美食相結合，背景里有美景亦有美食，有星馬泰越南亦有菠蘿炒飯喇沙麵，創意無限！餐廳以南洋為主題，布置與餐具以藍白色為主色調，乾淨清爽。越式香茅雞翼撈檬，檬汁與魚露分成四支試管呈上，感覺就係比平時一大瓶來的靚仔，相機都要先食，檬粉爽口，雞翼皮薄又脆，十分香口，檬汁酸酸咪咪勁開胃。香茅燒春雞，一隻春雞立在架上，油滴左落嚟，皮呈金黃色，侍應交待我地戴手套直接用手食，盡量避免用刀或餐具，因為刀會破壞雞肉的紋理，直接用手食會食到雞肉更嫰滑的質感。雞肉質鮮嫩，皮脆而薄，越近雞胸位置越香，原來系內有乾坤！醇左檸檬葉同香茅葉在中間，很有特色！越式炒金邊粉，不算油，金邊粉好彈牙，花生碎同蛋絲非常香口！凍菜蜜，清新爽口，成餐飯環境好，野食正，價錢平！很親民。