円相

營業中

休息中

朋友生日，佢最鍾意食日本嘢，當然要揀一間地點方便又靚緊日式居酒屋喇~玉子燒~形狀非常漂亮，而且非常濕潤，蛋香濃濃，而且配上沙律醬同鏗魚絲，將味道提升到另一個層次💯吉列廣島蠔~大大隻！一啲都唔腥！而且炸到外脆內多汁，一咬有少少爆汁感😋火灸明太子山藥煎~明太子獨有嘅鮮味同山藥融合為一體，經過香煎嘅過程，山藥帶有焦香，一口一件，每一件都好似藝術品咁☺️蒜香牛柳粒黑醬油炒飯~將蛋黃均勻地混合每一粒米飯，微微濕潤嘅口感，更加令人口味，黑醬油偏向重口味，啱哂我😬咖哩湯烏冬~烏冬份量比想像中大，好似夾極都唔完，用上好嘅洞庭冷烏冬香滑細膩，配上口味偏甜嘅日式咖哩湯底啱曬女仔👍🏻