牛極 (譚公道) (已結業)

再次沿住屯馬線覓食🤣一個人嘅時候最好就食d一set set或者唔使點諗嘅嘢🤣呢間牛極分店開遍港九新界，主打石燒牛排，質素都有返咁上下👍入到餐廳就有部自助點餐機，揀選完自己想要嘅牛之後就可以坐低，等左一陣職員已將牛送上😆今次我揀左CP值超高嘅牛肩排180g ($85), 呢個價錢已經包左任食日式牛肉湯、沙律同埋白飯😁沙律菜新鮮，點胡麻醬好match，白飯係珍珠米好有咬口，我將啲燒汁撈落飯度食更好味😆最讚嘅係牛肉湯，味道好似羅宋湯，入面用料豐富(見圖😆) 牛肉好稔，我飲咗兩大碗好正😋😋餐廳好細心，牛肩排黎嘅時候用張紙擒住唔會比油彈親，如果仲係怕的話餐廳有圍裙提供。牛肩排都幾厚身，原先都驚打完卡後會熟曬唔好食（因為我平時鍾意rare😆）但竟然一切開入面仲係生架👍鍾意食熟啲嘅朋友可以慢慢燒都唔怕過熟👍雖然有一少部份有少少筋，整體仍然出色，牛味重，肉質鮮嫩有肉汁，佢本身有少少咸味，所以唔需要點太多調味料，比較特別嘅BBQ調味粉原來都幾夾，大家可以試吓😆總括而言，真心好味過花x餐廳，而且CP值高，店舖雖小但坐得舒服，裝修東瀛feel，仲有少少打卡位，今餐食得好滿足呀❤️美味指數🍽：8.5/10 環境