影片
更多
2019-01-07
381 瀏覽
冬天無阻我食日本菜既興致，本身情有獨鍾日本料理既我從不會食厭，聖誕節唔食西餐去左依間專食壽司刺身丼飯既餐廳食聖誕大餐，餐廳內燈光柔和，分左上下層座位，下層係吧枱座，上層係4-6人枱座，店員指示下帶我地到上層座位，樓梯比較狹窄，所以上落時記得要小心喔，而餐廳感覺都較為寧靜，可以舒服咁食，我同朋友各點左一人一個丼飯定食，每份丼飯或壽司定食都跟左前菜沙律同麵豉湯，先食份前菜開胃一下朋友點既限定香蔥呑拿魚碎丼比想像中大碗，非常有份量，面頭鋪滿香蔥粒，呑拿魚蓉入口相當肥美，加少少醬油撈埋食已經好好送飯，唔覺唔覺成碗食哂而我點既自選丼就揀左中拖羅、金目鯛、鯛魚、鯖魚、赤貝、帆立貝、牡丹蝦、海鰻、海膽、三文魚籽、鏗魚、松葉蟹肉、眼仁奈、紅甘，每款最多點二片，我就部份揀左兩片，部份揀左一片，每片刺身都係厚切，非常新鮮，入口鮮甜肥美由其係拖羅，油脂分怖同雪花紋都好平均，幾乎係入口即溶真係食完讚嘆不已，得兩片真係唔夠喉啊！海膽係日本馬糞海膽，甜味突出拌飯一流，三文籽魚大粒脆爆，帆立貝超厚切鮮味十足，而鏗魚口感就較軟淋，但魚味濃厚，味道比一般平常食到既魚類刺身特別另外最加分既係丼飯底除左有紫菜絲，仲有櫻花蝦
朋友點既限定香蔥呑拿魚碎丼比想像中大碗，非常有份量，面頭鋪滿香蔥粒，呑拿魚蓉入口相當肥美，加少少醬油撈埋食已經好好送飯，唔覺唔覺成碗食哂
而我點既自選丼就揀左中拖羅、金目鯛、鯛魚、鯖魚、赤貝、帆立貝、牡丹蝦、海鰻、海膽、三文魚籽、鏗魚、松葉蟹肉、眼仁奈、紅甘，每款最多點二片，我就部份揀左兩片，部份揀左一片，每片刺身都係厚切，非常新鮮，入口鮮甜肥美
由其係拖羅，油脂分怖同雪花紋都好平均，幾乎係入口即溶
真係食完讚嘆不已，得兩片真係唔夠喉啊！海膽係日本馬糞海膽，甜味突出拌飯一流，三文籽魚大粒脆爆，帆立貝超厚切鮮味十足，而鏗魚口感就較軟淋，但魚味濃厚，味道比一般平常食到既魚類刺身特別
另外最加分既係丼飯底除左有紫菜絲，仲有櫻花蝦係飯中，食落增加飯既香口同惹味
最後係甜品黑糖粉粿，點少少黑糖醬，甜度適中，煙韌爽脆，唔錯呢
係誠意推薦既丼飯店，真係食過翻尋味!
張貼
