影片
更多
2023-05-10
84 瀏覽
星期六難得有得同朋友去街街，當然要去hightea 啦！ 今次我就揀左呢間，因為真係好食又好抵食！ 雖然我超鐘意食甜品，但確係食得唔多。所以平時食tea 我最鐘意揀啲咸甜點都有嘅afternoon tea set , 有咸有甜，食得開心好多🥰 今次嚟呢間，本來以為佢會係中式格局。點知入到嚟真係有驚喜，大大嘅豪華水晶吊燈，宮殿式嘅佈置，中間仲有一大棵櫻花樹，加添幾分浪漫🌹 同個名俾人嘅感覺完全唔同。打卡仲勁靚🥰今之呢個set勁豐富，咸甜點都好精緻。咸點有：矜貴嘅椒鹽一口鮑魚，外面炸到脆卜卜，椒鹽嘅咸香吊出鮑魚更鮮味。懷舊港式蝦多士、呢個真心激讚！ 蝦多士炸到入口鬆脆，香鬆口感一啲都唔油膩，而蝦膠係師傅新鮮打嘅，鮮甜彈牙。令人回味😋金盞脆脆帶子，外表似炸芋角，酥脆外皮，包住鮮甜嘅帶子，絕對係用料矜貴又巧功夫嘅菜式。仲有豬肉雞肉串燒配黑松露醬，同越南春卷。其實未食晒啲咸點已經開始飽🤣🤣甜點都好精彩，我個人最欣賞係佢個Scone,一拎埋嚟已經濃濃牛油香味，入口鬆軟，配上師傅自己煮嘅新鮮士多啤梨醬，平時唔食果醬嘅我都忍唔住一口接一口。仲有黑松露特濃朱古力撻。 估唔到黑松露同朱古力可以咁夾！ 平時
雖然我超鐘意食甜品，但確係食得唔多。所以平時食tea 我最鐘意揀啲咸甜點都有嘅afternoon tea set , 有咸有甜，食得開心好多🥰
今次嚟呢間，本來以為佢會係中式格局。點知入到嚟真係有驚喜，大大嘅豪華水晶吊燈，宮殿式嘅佈置，中間仲有一大棵櫻花樹，加添幾分浪漫🌹 同個名俾人嘅感覺完全唔同。打卡仲勁靚🥰
今之呢個set勁豐富，咸甜點都好精緻。
咸點有：
矜貴嘅椒鹽一口鮑魚，外面炸到脆卜卜，椒鹽嘅咸香吊出鮑魚更鮮味。
懷舊港式蝦多士、呢個真心激讚！ 蝦多士炸到入口鬆脆，香鬆口感一啲都唔油膩，而蝦膠係師傅新鮮打嘅，鮮甜彈牙。令人回味😋
金盞脆脆帶子，外表似炸芋角，酥脆外皮，包住鮮甜嘅帶子，絕對係用料矜貴又巧功夫嘅菜式。仲有豬肉雞肉串燒配黑松露醬，同越南春卷。
其實未食晒啲咸點已經開始飽🤣🤣
甜點都好精彩，我個人最欣賞係佢個Scone,
一拎埋嚟已經濃濃牛油香味，入口鬆軟，配上師傅自己煮嘅新鮮士多啤梨醬，平時唔食果醬嘅我都忍唔住一口接一口。
仲有黑松露特濃朱古力撻。 估唔到黑松露同朱古力可以咁夾！ 平時我麻麻朱古力甜點，今次加左黑松露，香氣撲鼻、配上濃滑朱古力，加埋鬆脆撻底，香、滑、濃、脆、多層次嘅口感。大讚👍🏻
另外仲有青蘋果白朱古力乳霜杯，酸酸甜甜恰到好處 、軟滑嘅New York cheesecake 、同清香柚橘瑪德蓮蛋糕🧁 款款都咁有特色。
呢個set真係非常有誠意,CP值超高👍🏻
呢個價錢仲包2杯飲品🍵及2杯氣泡酒🥂
張貼
