相馬日式火鍋 (已結業)

餐廳環境都幾舒服 呢到係一人一鍋嘅𝐒𝐡𝐚𝐛𝐮 𝐒𝐡𝐚𝐛𝐮我地簡咗兩款湯底 : 甜豉油湯底同清湯底😋主要肉類、海鮮都係用電話QR code落單 啲肉望落好靚 好薄片放落去好快就食得 我同男朋友每款肉類都點咗份黎試好正😍不得不提既係一落完單就即上 神級速度！！肉類美國特選級牛肩胛肥瘦均勻，有牛味，牛肉細切快熟，一下鍋搖兩搖就可以吃。日本鹿兒島黑豚肉油脂分層明顯，脂肪部分較多，入口綿密。海鮮相馬提供多款海鮮，貝殼類如蜆、青口、蝦等，仲有廣島蠔同日本帶子，款款都好高質仲可以無限追加，想講佢地既蜆仲要每一粒都好大粒！🙊滿足曬我呢個海鮮控。熟食: 串燒及炸物除左肉類同海鮮，唔少得既就係熟食，有串燒拼盤、炸物拼盤同雞翼，燒粟米好鮮甜多汁，大頭蝦仲要食到蝦膏，蒜蓉牛油雞翼脆卜卜，充滿蒜味又帶鹹香。水牛城雞翼味道香濃，辣得嚟夠惹味，配凍飲一流！土匪雞翼皮脆肉嫩，辣香滲進雞肉中，相當香口。