十兄弟車仔麵 (已結業)

上網之前睇到啲人話灣仔嘅十兄弟車仔麵好好食😋於是我趁今日放假我就去食啦！我坐低咗之後啲姐姐都好好招呼喎，睇落個個都好似好好食，但我又唔知揀邊個好呀咁，於是姐姐就推介左我食一個柱侯四寶麵！碗麵一上到枱就已經有大陣好香嘅牛肉味，而入邊嘅用料都非常之豐富，有五香金錢肚，濃汁牛丸，牛坑腩同埋牛孖筋！全部都好好食，其中有牛坑腩，好有牛既酥香味，完全唔腥，非常正！食完碗麵之後想食啲香口嘢！於是我就叫咗個炸雲吞！炸雲吞同樣都好好食😋揸，炸得好鬆脆，點埋個醬一齊食酸酸甜甜咁好惹味呀！