影片
更多
2023-02-02
302 瀏覽
講到Omakase，好多人都會諗到好貴價錢但係食唔飽肚，但係依間就唔係啦，價錢相宜而且係可以食到好飽架！另外除咗Omakase之外，仲有其他定食可以選擇，價錢一樣都係抵食，咁樣就唔需要擔心同行人士如果唔食生野嘅煩惱不過要留意番，佢哋16:00-18:00係清潔時間，如果想食omakase的話，就盡量提早少少去，唔係嘅話就會好似我咁，要所有壽司一次過一碟出晒，大約14:00左右時間去食應該最好，因為其他人嘅食飯時間都過咗，師傅可以慢慢幫你準備食材，而且又唔會太急，有充足嘅時間俾你慢慢享用碟呀，茶杯都比人嘅感覺都係比較新（唔知係咪為咗符合返今年兔年，所以先選擇有兔仔花紋嘅碟）我個人覺得幾有心思，如果唔係我都唔會特別影低，不過正正就係呢啲細節位睇得出呢一間餐廳係咪用心經營咁因為佢哋16:00落埸，食物上菜嘅速度都好快，我剛剛點了一個巧套餐，前菜唔使幾分鐘就已經上枱，分別有檸檬番薯（左上）磯煮鮑魚（中間）豆腐（右上）檸檬番薯食落口唔係好食到檸檬嘅味道，不過唔知係咪因為番薯吸收晒檸檬嘅酸味，所以食落去比一般嘅番薯更加甜，個人就幾鐘意依個味道磯煮鮑魚食落去會有少少嘅醬油味道，唔會話好鹹，但係個人就
不過要留意番，佢哋16:00-18:00係清潔時間，如果想食omakase的話，就盡量提早少少去，唔係嘅話就會好似我咁，要所有壽司一次過一碟出晒，大約14:00左右時間去食應該最好，因為其他人嘅食飯時間都過咗，師傅可以慢慢幫你準備食材，而且又唔會太急，有充足嘅時間俾你慢慢享用
碟呀，茶杯都比人嘅感覺都係比較新（唔知係咪為咗符合返今年兔年，所以先選擇有兔仔花紋嘅碟）我個人覺得幾有心思，如果唔係我都唔會特別影低，不過正正就係呢啲細節位睇得出呢一間餐廳係咪用心經營
咁因為佢哋16:00落埸，食物上菜嘅速度都好快，我剛剛點了一個巧套餐，前菜唔使幾分鐘就已經上枱，分別有檸檬番薯（左上）磯煮鮑魚（中間）豆腐（右上）
檸檬番薯食落口唔係好食到檸檬嘅味道，不過唔知係咪因為番薯吸收晒檸檬嘅酸味，所以食落去比一般嘅番薯更加甜，個人就幾鐘意依個味道
磯煮鮑魚食落去會有少少嘅醬油味道，唔會話好鹹，但係個人就覺得比較實身咗少少，如果再淋身啲會好食啲
豆腐食落去都算滑身，不過豆味就唔係好重，表面有少少蟹肉同三文魚籽，配搭一齊食味道唔錯，因為豆腐可以中和三文魚籽嘅鹹味，不過咁樣嘅情況之下蟹肉就唔太突出，變得有少少可有可無
咁食完前菜就到刺身，師傅會係你面前處理食材，觀感上都幾唔錯，咁巧套餐分別有帆立貝（右下）春魚（左下）油甘魚腩（左上）章紅魚（右上）
帆立貝味道屬於比較淡，肉質都唔會好淋，算係幾新鮮
春魚就係依家秋冬天比較常見嘅魚，師傅會係你面前燒一燒先會上碟，食落去幾香，但係聞落去就冇咩味，同埋係表面配咗少少薑；雖然係重味魚，但係唔知係唔係因為燒過和加左薑，所以食落去冇腥味
油甘魚腩因為係“白身魚”，原本味道就偏淡，再加上係腩位，魚味更加唔明顯，所以食落去有少少似銀鱈魚嗰種充滿油脂嘅嫩滑
章紅魚對比之下，味道會咗重少少，肉質會實身啲
食完刺身就到壽司，分別有
海膽·食落去唔算好甜，同埋有少少腥
赤貝·不過不失咁，正常發揮
“木章魚”·肉質幾特別，有少少煙煙韌韌
青魚·雖然都係重味魚，但足夠肥美所以唔腥
金目鯛·師傅燒完迫咗啲油份出嚟，食落去都重油分，幾好食
池魚·重魚味，配咗少少薑蓉同蔥，幾好食（但係怕重魚味嘅應該就唔太鍾意）
拖羅．香港人嘅最愛，接近入口即化
食完咁多生冷野就飲返個暖笠笠嘅湯，成個人舒服晒；依間餐廳唔似麵豉湯，似蔬菜湯多啲，飲落去全部都係蔬菜嘅甜味，個人覺得幾好飲，配料都幾多，有蘿蔔、甘筍、三文魚等等
最後嘅甜品綠茶豆腐🤔最初冇睇清楚以為係奶凍，但食落冇奶凍咁滑同咁甜，但都係好食
整體來講，成個用餐都唔錯，不過就係師傅介紹嘅時候可以大聲少少，有時唔係聽得太清楚
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
