影片
更多
2023-07-11
349 瀏覽
呢期想煲嘅韓劇停不了，主角鷄啤場口令我都好想食，近近地就去呢間以粉紅為主打嘅韓食店無黎幾個月，轉咗新餐牌，加多咗食物選擇超肚餓，最快有得食就叫客紫菜飯卷 ($48)，歡喜食原味，簡單材料，清新素料，飯粒唔會黏口，一啖一件好滿足。唔想飲汽水但又想爽吓，叫杯荔枝梳打 ($28)，香甜有氣感，仲有粒荔枝肉同菠蘿粒食吓。雖則炸醬麵 ($58)有套餐，但想留位試其他嘢就變咗單點，一大碗超抵食。撈均晒炸醬同青瓜絲就起動，炸醬唔會太油，味道少少甜，麵條唔會過腍，所以可以成碗清晒。哇哈哈。。。。。。呢客韓式辣鷄扒飯 ($58)，份量驚人，二人分享絶無問題; 有埋泡菜及青瓜絲沙律，$60有找，去邊度搵?!睇相唔覺有汁，實物原來係有嘅，用黎撈飯都幾好。微辣味道，鷄扒肉質都幾嫰滑。當然要點埋個炸鷄，有骨／無骨都有。叫咗個有骨鷄 ($98/半份)即叫即炸，所以係壓軸出場。外皮炸得鬆脆，入口唔會一口油，鷄肉仍然保持肉汁唔係乾爭爭，原味已經夠味，唔點醬汁單食都好味。唔收加一，呢餐飽到一個點都係三百蚊（二人份喎）。仲有甜品供應，唯有下次啦。。。。
無黎幾個月，轉咗新餐牌，加多咗食物選擇
超肚餓，最快有得食就叫客紫菜飯卷 ($48)，歡喜食原味，簡單材料，清新素料，飯粒唔會黏口，一啖一件好滿足。
唔想飲汽水但又想爽吓，叫杯荔枝梳打 ($28)，香甜有氣感，仲有粒荔枝肉同菠蘿粒食吓。
雖則炸醬麵 ($58)有套餐，但想留位試其他嘢就變咗單點，一大碗超抵食。
撈均晒炸醬同青瓜絲就起動，炸醬唔會太油，味道少少甜，麵條唔會過腍，所以可以成碗清晒。哇哈哈。。。。。。
呢客韓式辣鷄扒飯 ($58)，份量驚人，二人分享絶無問題; 有埋泡菜及青瓜絲沙律，$60有找，去邊度搵?!
睇相唔覺有汁，實物原來係有嘅，用黎撈飯都幾好。微辣味道，鷄扒肉質都幾嫰滑。
當然要點埋個炸鷄，有骨／無骨都有。叫咗個有骨鷄 ($98/半份)
即叫即炸，所以係壓軸出場。外皮炸得鬆脆，入口唔會一口油，鷄肉仍然保持肉汁唔係乾爭爭，原味已經夠味，唔點醬汁單食都好味。
唔收加一，呢餐飽到一個點都係三百蚊（二人份喎）。
仲有甜品供應，唯有下次啦。。。。
張貼
