七月烤魚 (已結業)

家人生日，想簡單在家附近食餐飯，就係openrice揀呢間。入去坐，環境都闊落唔迫，點左干鍋肥腸88蚊、海鱸魚烤魚278蚊、配菜揀4款72蚊、買一送一朝日啤酒500ml 80蚊、蒸扇貝3隻98蚊、乳酸梳打42蚊，同白飯一碗16蚊。全單加一再折實659蚊。干鍋肥腸得10細件，仲要係唔乾。烤魚配菜鴨血6件、薯仔5片、魚腐5片，娃娃菜2株，我地3個人食都除唔盡。烤魚火爐開10分鐘都未有鍋，何必咁早開？白飯催左兩次，接近食到尾先到。味道普通，但CP值低，唔建議去。