Misocool (已結業)

原先想食樓上既VeggieSF，三點幾，可能落左場。轉左黎呢到試下。睇個名真係唔知呢到係食日本野。新派格局，開揚，很舒服既環境。要了個叉燒湯麵，一個海鮮芝麻醬冷麵。叉燒湯麵，麵夠彈牙，湯係豬骨湯，不過個湯好油，豬骨味唔重。想特別講既係叉燒係粒上，唔係一般既一塊塊，食落別有風味，叉燒帶點肥，個人喜歡瘦一點，粒上亦不會太un，食得過既叉燒拉麵。海鮮芝麻醬冷麵，海鮮只有蝦同埋北寄貝絲，奇怪。麵亦彈牙，醬汁不算太濃味，濃一點更惹味。巨峰雪冰夠大杯，天氣漸熱，解暑良品。每人約100蚊到，不算太突出，一試無妨。