粵廚點心專門店 (已結業)

去完日本，返HK，即刻想食點心。做遊客去左呢間，有好多外國人黎食，呢度冇酒樓格局，純粹食點心，仲唔收加一。茶介就每位$5。簡單的一盅兩件。醬皇蒸鳳爪($26)多汁美味。蝦餃皇($42)皮薄多蝦肉，好扎實，但有D貴。脆皮蝦腸粉($38)腸粉包住油炸鬼再包住蝦，好香口，口感有多種層次，不錯。豉椒蒸排骨($28)幾入味。香茜牛肉球($26)記住點喼汁，好大粒，都好classic，如果有支竹底就原汁原味。