Parc古道具公園 (已結業)

今日約咗朋友去食Tea，朋友帶咗我哋去觀塘工廠區入邊一間Cafe。個地方都有啲難搵要行到去接近海旁位置係一條巷仔轉入去。一開頭我哋都行錯路問咗個保安先知原來係要喺對面街。一入去個環境已經覺得好有心機佈置。行到入去見到有一排白色裙有啲似婚紗原來係可以俾錢有個位置幫你影相。入邊都有幾多影相位同埋啲傢俬都幾有特色。我哋帶咗一個cake set再加兩杯野飲。因為有一個朋友就嚟生日我哋叫咗職員喺碟上面寫咗Happy birthday。叫咗一個玫瑰花蛋糕但味道麻麻地。嘢飲質素唔錯叫咗兩杯Lemonade 同一杯抹茶紅豆latte。Lemonade杯邊有啲糖感覺幾特別。Latte奶味好重。整體來講環境相當唔錯而且服務態度都好好好有禮貌。不過食物質素就一般。如果志在搵個地方傾吓計影吓相都係唔錯嘅推介。