ReDivine (CAPRI Place) (已結業)

拍拖👬紀念日要食好d❤️要同男朋友食餐好嘅，上次經過將軍澳行完海旁經過已經睇中左呢間，靜靜嘅泰國fusion菜！吊椅同藤椅好有特色，感覺自身巴里一樣😍男朋友話好似坐咗喺個牛油果上面食嘢，感覺好chill～去巴里旅行嘅回憶返晒嚟❤️泰式三文魚🐟用上刺身級嘅三文魚，泰式辣椒汁🌶️有青檸味，咁樣食三文魚都係第一次！味道出奇地夾！店員話如果怕辣可以避開辣椒唔食，但係有少少辣先帶出到三文魚鮮味！呢個日式加泰式Crossover好醒胃！原條燒魷魚🦑店員教路要食咗原汁原味燒魷魚先，之後再點自家製泰式辣醬同辣椒粉食，感受吓唔同感覺，魷魚夠鮮味同爽口！加埋青檸汁醬味道提升到另一個層次！自家製泰式汁好正，少少🤏辣，超有泰式風味！黑松露薯條🍟有成半樽黑松露醬任我點！熱辣辣嘅薯條點凍凍地嘅黑松露醬，一冷一熱🔥，重點係個黑松露醬，好香濃🍄味！烤日本A5牛板腱250g🐮極重牛肉味！5成熟恰到好處！點少少餐桌鹽，更加可以將牛肉味道提升！男朋友話要合埋眼先感受到牛肉係個口入邊溶化嘅味道🤣🤣男朋友話好滿意我今日嘅安排，因為呢度位置比較偏僻，可以靜靜地享受一餐晚餐同埋我❤️