影片
更多
2023-02-25
4125 瀏覽
朋友早幾日嚟過呢一間餐廳，話啲泰菜幾好食，仲有好靚嘅天台吧，所以今日要過嚟試吓。上到嚟因為仲係日落嘅，個天粉粉地橙橙地，成個感覺好似去咗旅行咁，絕對係打卡一流。瘋狂打完一輪卡之後，我哋叫咗個小食，但係呢個小食一啲都唔小，因為我估唔到佢係兩個原隻嘅軟殼蟹包包，佢個包好軟熟，如果軟殼蟹都唔會太厚粉，係幾好食㗎。食完個小食，個天都黑啦，又係打卡嘅時間，因為個夜景又係另一番風味。影完相之後個主菜都啱啱好到了，朋友叫咗個冬陰功海鮮飯，佢個冬陰功海鮮飯嚟到嘅時候都嚇咗我一跳，因為又係好大份。淨係見到佢兩粒帶子都已經知道好足料，仲有隻原軟殼蟹同埋大蝦，見到個份量都已經好滿足。最重要嘅係佢個冬陰功飯一啲都唔辣，但係就好香冬陰功味，真係好啱唔食辣嘅朋友。而我自己叫咗個牛扒，佢個賣相都幾吸引㗎。切開之後仲係好粉嫩嘅五成熟，但係就冇乜牛味，相比之下我個自己覺得個飯會出食少少。食飽飽，見到個咁靚嘅夜景，當然要飲返杯chill下啦。喺咁靚嘅環境之下，摸着酒杯底，真係乜嘢心中情都能夠盡訴。而且呢度啲Cocktail都真係好靚，好似啲呢杯餐廳命名嘅Cocktail，無論係外型定係味道都好泰式，佢飲到嘅口感好Crea
上到嚟因為仲係日落嘅，個天粉粉地橙橙地，成個感覺好似去咗旅行咁，絕對係打卡一流。
瘋狂打完一輪卡之後，我哋叫咗個小食，但係呢個小食一啲都唔小，因為我估唔到佢係兩個原隻嘅軟殼蟹包包，佢個包好軟熟，如果軟殼蟹都唔會太厚粉，係幾好食㗎。
食完個小食，個天都黑啦，又係打卡嘅時間，因為個夜景又係另一番風味。
影完相之後個主菜都啱啱好到了，朋友叫咗個冬陰功海鮮飯，佢個冬陰功海鮮飯嚟到嘅時候都嚇咗我一跳，因為又係好大份。淨係見到佢兩粒帶子都已經知道好足料，仲有隻原軟殼蟹同埋大蝦，見到個份量都已經好滿足。最重要嘅係佢個冬陰功飯一啲都唔辣，但係就好香冬陰功味，真係好啱唔食辣嘅朋友。
而我自己叫咗個牛扒，佢個賣相都幾吸引㗎。
切開之後仲係好粉嫩嘅五成熟，但係就冇乜牛味，相比之下我個自己覺得個飯會出食少少。
食飽飽，見到個咁靚嘅夜景，當然要飲返杯chill下啦。喺咁靚嘅環境之下，摸着酒杯底，真係乜嘢心中情都能夠盡訴。
而且呢度啲Cocktail都真係好靚，好似啲呢杯餐廳命名嘅Cocktail，無論係外型定係味道都好泰式，佢飲到嘅口感好Creamy，酒味唔會太濃，連平時飲兩啖啤酒都嗌暈嘅朋友都飲得好開心。
而我自己就叫咗呢杯外型比較獨特嘅，好老實啲講我真係俾佢個外型吸引咗，但係佢嘅味道亦都唔差，而且係我喜歡嘅酸酸甜甜嘅味道，佢呢度嘅cocktail酒精濃度唔會太高，所以兩個女仔嚟呢度摸酒杯底絕對安全。價錢方面，我覺得個環境同食物質素係合理嘅，而且都真係值得回頭。張貼
