影片
更多
2021-03-20
57 瀏覽
對於中上環一帶既小店情有獨鐘, 中意個份慢活, 輕鬆既感覺。踏上善慶街既石梯級, 兩旁都係自成一角既小店, 以慢煮為概念既Fast Gourmet係度就以流心牛角包而聞名, 而每個星期六日仲設有Weekend Brunch Set, 作為上班族既我, 趁住星期六黎RELAX一下!餐廳門口有一張小枱, 可以係陽光下嘆個牛角包飲杯野感覺好chill! 我地本來都坐係出面, 但後來發覺我地叫既brunch set有d唔夠位擺, 於是移師番室內, 餐廳既裝潢典雅有格調, 坐位寬敞, 一樣係彌漫住慢活既感覺。 見到好多客人叫佢既三層架tea set打卡, 見到好靚心旭旭, 不過因為我地都未食lunch既關係, 就叫$238/位既3 course brunch set, 又可以試到牛角包, 又可以食埋主菜!龍蝦湯流心牛角包牛角包酥脆兼帶香濃牛油香, 一刀向中心切開, 橙色龍蝦湯緩緩流出, 沾滿牛角包既底部, 龍蝦湯質感濃稠, 十分鮮味, 一路食既時候諗起細細個好中意食既酥皮龍蝦湯, 換一種方式去品嘗, 有新意又美味, 好值得一試。魚籽醬龍蝦汁蟹肉伊麵另一道Fusion菜麵底用上中式伊麵, 混和左蟹
餐廳門口有一張小枱, 可以係陽光下嘆個牛角包飲杯野感覺好chill! 我地本來都坐係出面, 但後來發覺我地叫既brunch set有d唔夠位擺, 於是移師番室內, 餐廳既裝潢典雅有格調, 坐位寬敞, 一樣係彌漫住慢活既感覺。
見到好多客人叫佢既三層架tea set打卡, 見到好靚心旭旭, 不過因為我地都未食lunch既關係, 就叫$238/位既3 course brunch set, 又可以試到牛角包, 又可以食埋主菜!龍蝦湯流心牛角包
牛角包酥脆兼帶香濃牛油香, 一刀向中心切開, 橙色龍蝦湯緩緩流出, 沾滿牛角包既底部, 龍蝦湯質感濃稠, 十分鮮味, 一路食既時候諗起細細個好中意食既酥皮龍蝦湯, 換一種方式去品嘗, 有新意又美味, 好值得一試。
魚籽醬龍蝦汁蟹肉伊麵另一道Fusion菜麵底用上中式伊麵, 混和左蟹肉同龍蝦汁, 當中仲有蟹膏添, 整個麵質感好RICH而且鮮味濃郁, 面頭仲有帶出咸鮮味既魚籽醬, 伊麵好似吸收哂其他食材既鮮味咁, 有驚喜!
美國頂級牛腹扒牛腹扒脂肪不多但肉質軟嫩, 配上香口既炸蒜片吊吊味, 出色!
真空慢煮雜莓芝士蛋糕 Cream Brulee原來依度既甜品一樣一絲不苟, 自家製既芝士蛋糕同cream brulee , 都用上自製雜莓JAM, 酸甜味道天然, 整體又唔會過甜。另外Cream Brulee面頭焦糖薄脆, 內裡則非常綿密, 而芝士蛋糕口感就更加RICH, 兩者都係出色之作!
係依個環境之下襯番杯咖啡, 悠然自得真係超正, 我地叫左ICED BLACK同埋DIRTY, 朋友中意飲黑啡, 中意佢既味道醇香, 我就中意DIRTY既厚身TEXTURE, 依杯DIRTY入口有奶香, 然後係咖啡香既後勁, 有層次感, I LIKE IT!
今個下午真係過得好寫意, 食完係附近行下, 成個人都好輕鬆, 餐廳食物, 環境以至服務都好有水準, 下次一定會番黎試下佢既TEA SET!
張貼
