Hungry Pal

營業中

休息中

位於中環舊街道入面新開嘅一間西式餐廳，由廚師到店員都係外國人主理，環境氣氛好優閒舒適。BREAD BASKET硬身嘅切片法式長麵包，麵包皮幾脆口，加埋牛油味道好香。MIXED GREEN SALAD加入咗檸檬汁嘅蔬菜沙律，食落爽脆帶少少酸，十分開胃。GRILLED SMOKED SAUSAGE WITH GARLIC食落十分香口惹味嘅煙燻香腸，帶有好香濃嘅蒜蓉味。THREE EGGS OMELETTE揀咗蝦、香腸、菠菜三種配料，蛋餅煎得啱啱好食落好有蛋香味，口感外酥內嫩，配料亦令層次豐富好多。RUMP STEAK揀咗五成熟去品嘗呢塊蘭普牛扒，入口肉質軟嫩而且口感十足，特製嘅醬汁令牛扒嘅肉香更濃郁，肉汁亦十分豐富。GRILLED SEABASS十分足料嘅大大條烤爐魚，魚皮烤至脆身入口惹哋帶有檸檬汁嘅酸甜，魚肉質感嫩滑，風味十足。CARROT CAKE佢哋嘅芝士餅係我好鍾意果種較硬身嘅質感，食落有口感而且芝士味好香濃，上面仲鋪上紅莓醬，酸酸甜甜咁同芝士餅十分夾。