影片
更多
2023-07-28
53 瀏覽
鍾意食Caviar嘅我，見到呢到有個caviar menu，就即刻入咗去食😆餐前小食有多款麵包配搭特色嘅杏脯牛油，仲有牛肋肉薯片塔，牛肋肉炆得好腍好入味，自家製薯片脆卜卜，上面仲有三文魚籽點綴。吞拿魚芥末馬卡龍/夏威夷汁/黑魚子酸忌廉汁/香草沙律 馬卡龍餡料係夾住吞拿魚蓉~加上沙律一齊食，十分脆身，真係好似食緊馬卡龍咁。九州獅魚配閃光鱘魚子/柑橘酸奶油聖女果/黑皮雞檚箘/青瓜醋好似一盆花！獅魚新鮮又感受到脂香散發，配水果、青瓜醋幾清新。香濃牛肝菌忌廉湯/羊肚菌清湯/普羅旺斯黑松露/杏黃菌/黑皮雞樅菌 一上枱已經好濃烈的菇味，作為菇菌愛好者一定會喜歡呢個湯。可以嘗試到唔同種類嘅菇，廚師用菇整成清湯、泡沫、雜箘粒不同方式，令人由淺入深，多層次地品嘗。低溫煮辣肉腸釀龍脷魚/自家製薯仔薄脆/藏紅花泡沫/黑魚子忌廉汁用低溫煮嘅龍脷魚食落更加嫩滑，而且入面釀有辣肉腸粒，增加鹹鮮味，薯仔薄脆好鬆化，提升整體口感。脆炸阿根廷紅蝦/香濃椰菜花忌廉/香濃鼠尾草泡沫阿根廷紅蝦本身肉質軟滑，鮮甜無比，脆炸後食落更加香口，加埋底下嘅椰菜花忌廉汁就冇咁油膩。熱情果雪葩/紅石榴泡沫雪葩酸酸甜甜好清新，可以清一清個味
餐前小食有多款麵包配搭特色嘅杏脯牛油，仲有牛肋肉薯片塔，牛肋肉炆得好腍好入味，自家製薯片脆卜卜，上面仲有三文魚籽點綴。
吞拿魚芥末馬卡龍/夏威夷汁/黑魚子酸忌廉汁/香草沙律
馬卡龍餡料係夾住吞拿魚蓉~加上沙律一齊食，十分脆身，真係好似食緊馬卡龍咁。
九州獅魚配閃光鱘魚子/柑橘酸奶油聖女果/黑皮雞檚箘/青瓜醋
好似一盆花！獅魚新鮮又感受到脂香散發，配水果、青瓜醋幾清新。
香濃牛肝菌忌廉湯/羊肚菌清湯/普羅旺斯黑松露/杏黃菌/黑皮雞樅菌
一上枱已經好濃烈的菇味，作為菇菌愛好者一定會喜歡呢個湯。可以嘗試到唔同種類嘅菇，廚師用菇整成清湯、泡沫、雜箘粒不同方式，令人由淺入深，多層次地品嘗。
低溫煮辣肉腸釀龍脷魚/自家製薯仔薄脆/藏紅花泡沫/黑魚子忌廉汁
用低溫煮嘅龍脷魚食落更加嫩滑，而且入面釀有辣肉腸粒，增加鹹鮮味，薯仔薄脆好鬆化，提升整體口感。
脆炸阿根廷紅蝦/香濃椰菜花忌廉/香濃鼠尾草泡沫
阿根廷紅蝦本身肉質軟滑，鮮甜無比，脆炸後食落更加香口，加埋底下嘅椰菜花忌廉汁就冇咁油膩。
熱情果雪葩/紅石榴泡沫
雪葩酸酸甜甜好清新，可以清一清個味蕾，準備食主菜。
慢煮龍蝦扇貝卷,黑魚子/鮮嫩蔬菜/西洋菜忌廉清湯
第一次一個卷會有龍蝦、扇貝，兩樣食物變成卷物特別厚肉，口感爽彈，飲埋湯就唔洗驚乾爭爭。
香煎特級西冷/阿根廷青醬/芥末籽薯仔卷/柑橘甘筍蓉/波特酒肉汁
特級西冷肉質有彈性，而且肉味香濃，配搭色澤深邃嘅波特酒肉汁，食落帶點淡淡嘅葡萄酒香。配菜嘅薯仔卷爽爽脆脆，好有新意。
芒果朱古力球
店員倒上熱朱古力醬溶開個朱古力球，中間pina cotta同芒果，令單調的奶涷增添酸甜味道
燒香蕉配柚子雪糕
其他餐廳好少食到。瑪莎拉酒cream配柚子雪糕、燒香蕉🍌，外層係自家製薄脆，帶比我既柔且剛的口感。
法式朱古力配自家製菠蘿汁雪葩棉花糖
店員話係廚師秘製嘅甜品，食落鬆軟又帶點煙靭，有淡淡的菠蘿清香，一旁嘅法式朱古力係咖啡味同堅果味，配搭乾冰嘅煙霧效果，打卡一流。
張貼
